` Tabungo na Kadjeu piqinoti `

Dia 1 di Janeiru Kroots sai di Praia pa Mangui( Tarrafal - Santiagu ), pa bai panha unz ondeta.

Sd, Nelma, Marku i Djoy

Nu bai na verdinha, nu poi noz pranxa riba noz karru, nu dobra pa norti di Santiagu, na kaminho nu da qel parada na Serra Malagueta pa nu

odja noz natureza di noz terra.

` Sd, Markuz, Djoy na Serra Malageta `

Quandu qi nu txiga Mangui, nu bai retu bai kumpra unz kuza kume pa nu leba la na unde qi nu sta bai panha onda, i nu da qel vison na verdinha pa odja tanbe se kre bebi algun kuza. Nu atxa algunz amiguz, qi bem di otuz ilhaz i lokal di Mangui ta mata qel bazqet.

" Ka tem onda, surfista fika ta mata qel jogo "

" karru da badagadju "

Di poz nu bai pa kabana di surfizta, la nu enkontra maz pissual di otuz ilhaz i di Tarrafal ta pripara qel komida pa mas tardi.

I nu fika ta odja onda qi staba ta qebra na Kadjeu ,so qi sta piqinoti dia 1 di janeiru.

" kadjeu onda piqinoti "

Dia 2 onda di norti subi um koxi, antiz manxi pissual dja staba, na atxivitxi na Kadjeu ta brinka ku onda na surf i bodyboarb.

" otu dia onda subi umkoxi "

" bodyboard di SV na atxivitxi "

` 360 `

Maz tardi, onda di sul komensa ta entra, Djidjandji komensa ta mostra se beleza i se forssa.

Maz sime, ka parsi nem um korajoso pabai panha onda na Didjandji, pissual tudu ta fika ta fla ma la sta piqinoti i sta razu i ee perigozu.

Pissual fika so na Kadjeu ta panha di surf i bodybard.

" rapaz di Mangui na onda ta brinka "

Didjandji fika ta subi kada vez maz ka parci nem um korajozo pa bai trena na onda di Djidjandji.

" djidjandji qi sta mandan "

Pissual manti so na Kadjeu.

Maz tardi dipoz di qi Fotografu “ Nelma “ , bai da se bom palmu na restoranti sem papia ku noz di grupu pa nu bai ku el.

` Nelma - noz fotografu `

Djoy bai ti Didjandji elso bai infrenta temidu i famozu Didjandji.

Dipoz bai Sd, i maz matxicado, pissual panha bonz onda na Didjandji, “ so qi nu ka teni fotu di surf na Didjandji pamodi qel lazkadu Nelma qi divia fika na atxivitxi qandu nu sta ta panha onda na Didjandji.”

Dipoz di txeu ora ta surfa na Djidjandji, noz fotografu Nelma paci ku uma Stangu Largu ( barigon so di komida qe mata na reztoranti ).

Sd i Marku resolvi spadja pe pa sul di si santiagu, pa bai panha onda na Praia Negra.

" Praia Negra abo ee pa nu toma puder pa nu tratoru dretu, bu ta bira limpu "

Onda staba mutu maz piqinoti di qi na Didjandji, ta pa surfa maz so qi agua staba ta parseba mutu suju “nhoz sabi , bem ladi tarrafal agua limpu xeio di tartaruga i pexi, pa bem entra dipoz na um mar xeio dizgotu, lixu de fabrika di serveja, lixu di hozpital munti barku inkalhadu na piku, ta dizmoraliza pissual qi em kultura di alguem di ilha “.

Grasa a deuz parci unz kriola lokal di lenferera pa anima surfistaz qi staba trisit ki situason de poluison di Praia Negra.

" Praia negra ku fe na Nhordez bu ta brilha um dia "

Komentaryuz (5)

Recommend this article...