login

Close




Powered by Core Design

Kenha ki sta na Xat - Txazkan

No users online

Nukakre novu Kolonizason !!!

 

Tempu

Djon Grandi sta pidi ajuda

Djon Grandi sta passa mal ku Dizgotu qi sta botadu na mar. tudu dia.

Djon Grandi Ta fika na Sidadi di Praia, entri Kebra Kenela i Palmareju.

Djon Grandi ee um di qez midjor lugar na Oseanu Atlantiku, qi tem bonz onda pa fazi Surf, Body Board, Wind Surf i kite Surf.

 

Djon Grandi ta Alimenta munti Familia qi ta vivi di Pezka.

Dja tem Mez qi sta ta Bazadu Agua di Dizgotu na Mar sem Tratamentu.l Maqina di tratamentu di Dizgotu ka sta funsiona maz, gossi tudu Dizgotu ee retu Djon Grandi.

 

" Ninguem ka sta fazi nada, pamodi gossi tududez sta fokadu na Agrada Eztrangeiro do qi sez povu, ez sta ta squesi di sez Natureza i sez Terra "

Kroots " di longi ta da pa odja mantxa di Dizgotu na Mar "

 

Kroots " Gizgotu sta ton Pizadu na Mar qi ka sta pa Bentu movimenta qel Agua "

 

Kroots " koitadu ee qez Pizkador i Murgudjador qi ta vive di Pexi qi ta sta na Djon Grandi "

 

Kroots " Maqina la, dja ka da, dje tem unz Mez ka ta funsiona "

 

Um bez Djon Grandi era xeiu di Moreia, Txitarinho, Kamaron, Kason i maz animal. Gossi algunz di qez animal dja ka kaba. Pamodi Falta di Konhesimentu, Kultura Inkonpletu, Burreza, Ganansia na $ i Temozia na ka obi pissual ki tem Maz konheismetu do ki qez qi tem Skola qi ta atxa mez sabi maz qi tudu alguem nez Terra "

 

Munti Alguem dja txeka qez kuza qi sta kontisi na noz Terra , maz kata fazedu nada, pamodi li nez Terra li alguns Matxikadu ka ta Rezpeta Lei. Ez kre so Agrada povu qi sta ku odju na toma noz Terra.

" Alguns di noz povu sta Ezkravidado Psiklogikamenti pa otuz povuz"

" qez erru li ta kontisi no ta Terra qi Povuz foi Ezkravizadu pa povu Maz Forti "

 

Kroots " qeli e um Surfista di Praia, ee fla KrioloRoots pa fla banda la, ma kuza sta feio "

 

Dizgotu li ta movimenta konformi ventu. Si Bentu bem di Noroezti, Dizgotu ta bai pa Oezti, ta bai prejudika Palmareju, Kobon di Figuera, Koba Miotu i ta bai ti Sidadi Velha.

" alou pissula di Sidadi Velha noz toma Kuidadu pala ku noz komida di mar "

Si Bentu bem di Sudoezti, tudu qel Dizgotu ta bai riretu pa Kebra Kanela.

" nhoz toma kuidadu nhzo qi sta bai Toma Banhu na Kebra Kanela "

" Djon Grandi i Palmareju "

 

" Jaguar ou Salina, li tem Bons onda pa fazi WindSurf i Surf "

 

" li qi tudu Dizgotu ta fika, hora qi bentu bem dei Sudoezti "

 

 

Papa qez poi la na Prasa sta da kosta pa pa Mar qe noz Riqeza. Bu ta odja logo ma qel Papa ka ta sirbi pa nada

" Papa, Rei di Ethiopia Ras Tafari, qe bom pa nhoz di Roma "

 

 

 

Komentaryuz (4)Add Comment
...
Skritu pa Gata!!!!, Março 13, 2008
Maz um bez bom trabadjo Kroost... difacto ee um tema interessanti cima no odja pa fotos, ee um baía espetacular, ku grandi potencial pa pesca, disporto náutico, e otoz lazer di fim di simana...Praiensiz divia djuntaba pa fazi um manifestasom di meio divera, pa caba ku kel vergomha lá. Si no passa ta ser maz exigenti e no passa ta valoriza noz natureza ke nz rikeza, Cabo Verdi ta ba frenti. Maz pa keli nu tem ki ta fazi um trabadjo de raíz, invista na educasom di povo, e muda noz mentalidade!!! Pa festa di Gâmboa ta gastado milhares di conto ki ta daba pa invisti na publicidade pa conservação e proteção di natureza. Maz infelizmenti na noz tera ta valoriza maz kez esptáculo ki no ka tra proveitos ou seja no ka tem nenhum ganho. Povo ta trabadja, ta paga imposto pa sustenta Stado di Cabo Verdi, por isso no ka kre esbajamento atoa, no kre aplicação na algo ki ta trazeno benefício pa noz e pa gerasom vindoura.Um abraçooooooo Kroost!!!!!!
report abuse
In ka Kurti
In Kurti
Votes: +0
...
Skritu pa Emanuel Silva, Março 14, 2008
Força la nha boy,es kusa é mural!!!!!!!
Sima bu fla Djon Grandi era um bes,la ki tudo rapaz de A.S.A prende nada e de pisca na pedra,mas hoje so de passa la perto ta dau vontade vumita,mas ka bu fadiga Deus é pai.
Um abração é continua ta bombordias kes camabada de de incipitentis ki esta governa nos terra e esta bendi nos terra a torto e direito.
Nelma sdims
report abuse
In ka Kurti
In Kurti
Votes: +0
...
Skritu pa Emanuel Silva, Março 18, 2008
Kroots bu ta bai bu ka ta da noticia,si bu tcjiga dreto,fa fala pessoal esta tudo preoucupado ku bo.sdims
report abuse
In ka Kurti
In Kurti
Votes: +0
...
Skritu pa Diego Alhinho, Março 23, 2008
OLá pessoal di Kroots. Site sta movimentado tcheu matérias novo.
No entanto nta gostaba di dexaba nha opinião sobre manera di escrevi artigos e modo como menssagem é passado.
Nta acredita ma nos tudo nu cre midjor pa nos terra na tudo aspecto, ma nta atcha ma nu podi reivindica e protesta sem tem ki agredi ou usa termos ki ta ofendi pessoas credos e religion. Nta atcha ma respeto ta existi na medida ki nos tb nu ta respeta o próximo. Si nu cre tem voz nu podi fazi um protesto menos di ofendi e desrespeita o(s) outro(s) e fazel de manera pensado e respeituosa.
Um abraço e nta espera ma ta impera bom senso!
report abuse
In ka Kurti
In Kurti
Votes: +1

Skrebi bu Komentaryu
pikinoti | grandi

busy

Recommend this article...
 
< Anterior   Próximo >