" mo ki bai Krioloz "

• nome?

• Victor Monteiro

  

• na unde qi bu nazsi ?
• Praya- Santyagu
• kantu anu qi bu tem ??
• 24
• na unde qi bu ta mora?

• Txada

  

  " Kenha qe kez muntxulada na fotu djuntu ku bo ???? "

  

• Abo, bu tem orgulho di ser Kriolo-Kaboverdino lingua kriolo ou Caboverdiano lingua Portugues ?
• Kriolo-kabuBerdinu lingua kriolo
• Kuze qi bu ta fazi ?
• Profissionalmente mi é Advogado estagiário,….
• Kazadu ou solteiro ??

• Kompromitidu

  

  " Katxor qi st manda, bom foto "

• Fla krioloz kal dizportu qi bu ta fazi ???

• Bodyboard

  

  

  " Vitor faldu me bo qi sta manda na Santiagu "

• Quandu qi bu kumensa ta fazi qez dizportu Nautikaz, na unde i qalqe bu lugar favoritu di panha onda?
• M kumesa panha ondaz di pikionoti na Kebra Kanela, m ka sa lembra sertu k idade m tinha. Dipoz na Novembru di 97 nha irmon oferesem um pranxa di bodyboard Morey mach-6, apartir des data m podi fla ma m kumesa a seriu ta pratika ez dizportu fantaztiku k ee bodyboard.

• Hoji nha lugar favoritu di surfa ee, sem duvida, Ponta Braba.

  

  

• Bu tivi bom evoluson i rezultadu na Body Board??
• Evoluson tudo noz nu pode fla ma nu teve bom evoluson, em mayor ou menor amplitudi.

• Quanto a rezultadu, dipendi, pa nha vida m podi fla ma ez dizporto fazem um pessoa tranqilu, di paz, em harmonia ku cuzaz bom,….. resultaduz a ver ku kompetison. Mi ee ka mutu di compiti, djam tevi 2 experiensyaz, i ez ka foi ton bom,….mi nha tipu ee Freesurf.

  

  

• Bu tem patrosinio??

• NADINHA NADINHA …(iee ka marka nou, ee nada mezmu, hheheheh)

  

  

  Kroots " daqui unz mez Kriolo Roots ta komenta ta Patrosina Atletaz di Terra "

• Abo qi ta mora na ilha , kuze qi bu ta fla i pensa, hora qi bu odja tudu qez natureza qi nu tem ta diztruido pa Kabuberdino i Governo ??
• Keli ee um assunto baztanti sensivel, nu ka pode ponta dedu so pa Governo, Sosiedadi tb tem sez deduz di culpa, m pode fla maior parte propi.
• Governo tem milhon di problema pa rezolve, ta tapadu um buraco na um lado, ta parci logo 2. por isso nos tudo tem k sta na kel mesmo onda d preserva. Prezervason di natureza, em ezpesial na Praia, sta na Zero, lixo pa tudu ladu, dizgotuz http://krioloroots.com/v1/content/view/56/38/ seu abertu, verde ca tem +….mar ka mezti nem paia: areya dja qazi ka tem so lixo, falta di plantaz pa fixa txom pa evita saydaz d areia. Si nu repara ee ka cuzaz k mesti tcheu tcheu dinheru,..nu mesti e tcheu Konzsiencya di Kabuverdianuz.
• Vira pa Adminiztrason, (Governo, C.Munisipaiz, i otuz inztansias k tem compentensia na kel matéria li),….
• Mo k nu pode prezerva um cuza, quando um Vereador de C.M, responsavel pa Ambiente, ta tapa odju pa kez prublema di poluição na mar,..ta fla ma mar sta limpinho.??!!!!!! E inda ta ameaça http://krioloroots.com/v1/content/view/51/38/ grupo de jovenz Surfiztaz k bai fala ku el preocupados ku situação d noz mar.
• Pessoaz ta inztigaz a age fase a poluison di mar i es ta continua na mesma. I si EZ ki tem meioz di minimiza situason, si Ez k ee kompetentez pa kela, EZ ka sa da exemplu, povu na undi ta toma exemplu.????????!!!!
• Nu ta fla ma nu tem potensialidadiz na sektor di turizmo,,,qal potensialidadiz,??..imagina um turizta ta bem ti Praia, ainda na carru, hora k ez txiga na Praia Negra ez ta xinti um txeru fedi,.sem fala na vison d barkuz encalhaduz (k felizmente sa ta tradu), kontinua, txiga Gamboa, mar la qazi ka tem areia, ee maz um miztura d terra, areia i lixo, sem paipa na kel plaka di Simentu k ez poi la…paké?!!! .. Kebra Kanela, keli dja ka tem soluson, suju d um ponta pa otu, i sem fala k Dizsgotu ta kai na mar la.

• Dipos di tudo keli, o k m ta pensa ee k "KAU STA MAU…..POVO KA TA AJUDA, I ADMINIZTRASON KA STA NEM AÍ"

  

  " Vitor bu tem unz amigoz malkriadu "

• Qi rekadu qi bu ta manda pa Kabuberdianuz i Governo qi sta da polui i da kabo di noz ilha i mar ???
• É ka recado k m ta manda nou, mas sim um konviti, pa ez abri odju, i em espesial pa ez bai ate noz mar i odja ma cuzaz ka sta dretu !!!
• Qi bomba ki bu ta manda pa Governo qi sta ta da Kabu di noz ilha, pamodi ka tem Kultura di alguem di ilha ??

• nha bomba ee tambe um Konvite; pa um dia em vez di ez bai algum otu praia + tranqilo, pa ez bai da um mergulho na Praia Negra, um mar k ee logo kara di praia,..primeru k qalqer alguem k bem vizitanu ta odja. Mar k es ta abre boka e es ta fla ma sta limpu!!!!

  

  " sta la Vitor, sta la, bu sta forti "

• Kuze qi bu ta taxa de qel Portu di Praia qez kre aumenta qi ta bem da kabo di ondulason http://krioloroots.com/v1/content/view/54/38/ qi ta limpa mar di praia negra i gamboa ???
• Porto de Praia devia ser construídu de Zero na um lugar maz eztrategiku! Noz ilha ee ka grandi, dezenvolvimentu sta pa tudo aria, tem nesessidadi di eskoa produtouz pa tudo lado di ilha, norte a sul, por isso, ku um finansiamento, k m sabi ma ka ee fasil konsigi, maz prontuz, pode fazedu um Kaiz k ta bem txoma Porto Santiago, situadu ou na extremidadiz Oezti ou Ezte di noz Sidade, sempre servido ku um bom eztrada pa interior di ilha, dja k dentu praia nu tem sirkular k ta permiti produtu spalha sem problema.
• Di ez forma, ku um area proprio pa kel Infra-eztrutura la, nu sa ta garante conservason ambiental di noz Praia Maria, garantindu fasil aseesso a kaiz pa tudo region di Santyagu,..impulsionando ez forma um dezenvolvimento global. I komo ee inevitavel, i preso di evoluson, nu tem k sakrifika um zona pa nu konstruil.

• Sem n sta akre ser repetitivo, Ez zona deve ser um pouko diztante i izolado, maz ku bonz asessoz.

• Ampliason di kel aktual porto, korrente ta entra menoz na baya, o qi ta bem leba + tempo pa aguaz renova. Kel baya di santa Maria ee txeu poluidu, http://krioloroots.com/v1/content/view/49/38/ dizgotu di txeu zonaz di praia ta kai la, liqiduz qimikoz d Ceris ta kai la, na epoka di txuba txeiaz ta bai kai la ku tudo sez lixo,….sem corrente pa limpa lugar, kau mo ta fica!!!???
• Governo nhoz pensa dretu!!!!!!!

• Mo m tinha fladu, nu bai toma um banho la e bu ta odja mo k kau sta mau,….imagina go dipoz di fazedu Kaiz!!!!!!!

  

• Kuze qi bu ta atxa di qel txom na Santa Maria qez bendei pa um Extrangeru i nou pa noz povo qe donu terra, http://krioloroots.com/v1/content/view/72/37/ i qi rekadu qi bu ta manda Governo qi dja nu odja me ka gozta di se povo i sabi so agrada extrangeruz em vez di noz ??

  Kuze k m ta atxa?!! Santa Maria dja ca tem cau + pa cresce, expandi ,…so si el cumesa krezsi pa dentu d agua…. Um manera di kontribui pa dezenvolvimentu di kriolo ee kriando kondisonz di asesso a um txom,…assi ez me ez podi dezenvolvi algu di bom i rentavel pa es, sez ilhaz i CV.

   

• Kabo Verde tem txeu riqeza em termos di rekursoz pa turizmo, um Kaboverdiano pode explora noz potencialidadez….ka nu menospreza kapacidadi di Nativus.!!!!!!!!

• Infelizmente nez terra goztadu di agrada qez di Fora, i tanbe di Kor de Dinheru,,..k nem ka ta pensadu na konseqensiaz…..

  

  Vitor " konsedju pa nhoz qi sta na Terra Terra "

• Qi rekadu qi b ta manda pa jovenz i adultoz i kota di terra ??
• Nu luta pa nu preserva noz terra, noz terra ee di noz. pa nu dezenvolvel nu mezti tudo ajuda. Mas pa ez ajudanu nu ka mezti abri pe ou mete cabesa na forca.
• O principal dja nu tem,,,, INDEPENDENSIA!!!!!! Independensia pa nu desenvolve, i pa noz Krioloz tem um "gota d’agua" i padaz di tchom

• CA NU PERDEL NOZ INDEPENDENCIA NUNCA!!!!!!

   

  

Komentaryuz (4)